English

19.03.2025 - AKTIVITET TRAJNUES: “AKTET KADASTRALE”

Shkolla e Magjistraturës, më datë 19 mars 2025, zhvilloi aktivitetin trajnues me temë: “Llojet e akteve kadastrale. Kompetencat e ASHK-së në nxjerrjen e akteve kadastrale. Procedura administrative për nxjerrjen e tyre, pasojat juridike që shkaktojnë dhe mënyrat e kundërshtimit të akteve kadastrale referuar juridiksionit administrativ dhe atij gjyqësor. ASHK si subjekt ndërgjyqës në procesin gjyqësor civil në raport me atë gjyqësor administrativ”, pranë ambienteve të Shkollës së Magjistraturës, në Tiranë.

Ky aktivitet u drejtua nga: 

Ekspert: Valbon Çekrezi

Lehtësues: Alda Sadiku

Qëllimi i këtij trajnimi është: Zhvillimi dhe përditësimi i njohurive mbi konceptet ligjore për aktet kadastrale, funksionin dhe rolin e ASHK, mjetet e mbrojtjes etj. Aftësimi i magjistratëve dhe pjesëmarrësve të tjerë të trajnimit, mbi aspekte të akteve kadasatrale, veprimtarisë kadasatrale, regjistrimit të të drejtave të pronësisë

Trajnimi u realizua duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve. 

Gjatë këtij aktiviteti trajnues u trajtuan tema të ndryshme, si: 

  • Roli dhe pozicioni i ASHK-së në gjykimet me natyrë civile sipas ligjit nr. 111/2018.
  • Mjetet juridike të mbrojtjes në raport me parashikimet e ligjit nr. 111/2018 dhe gjykimi civil. 
  • Padia për saktësimin e kufijve.
  • Aspekte krahasimore të kuadrit ligjor në këtë fushë.
  • Diskutime mbi problematikat e evidentuara nga praktika gjyqësore lidhur me aspekte të akteve kadasatrale, veprimtarisë kadasatrale, regjistrimit të të drejtave të pronësisë etj.
  • Diskutim i rasteve të praktikës gjyqësore lidhur me aspekte me aspekte të akteve kadasatrale, veprimtarisë kadasatrale, regjistrimit të të drejtave të pronësisë.
  • Diskutim i rasteve të jurisprudencës së Kolegjit Civil të Gjykatës së Lartë  lidhur me trajtimin e padive civil ku është subjekt ASHK.
  • Diskutim i rasteve të jurisprudencës së Kolegjit Administrative të Gjykatës së Lartë  lidhur me aspekte të ligjit nr. 111/2018 dhe atij nr.20/2020.

Në këtë aktivitet trajnues morën pjesë gjyqtarë, prokurorë, oficerë të policisë gjyqësore dhe avokatë shteti të Republikës së Shqipërisë.